Zëdhënësi i Kremlinit, Dimitri Peskov tha të hënën se është shumë herët për të folur nëse Rusia do të ofrojë ndihmë për Serbinë pasi situata në Kosovë është trazuar.
“Së pari është e nevojshme të mbahet një takim mes presidentëve Putin dhe Vuçiç”, tha Peskov duke folur për Radio Moskën, pas pyetjes nëse Rusia do t’i ofrojë ndihmë Serbisë pas përshkallëzimit më të fundit të situatës në Kosovë.
Siç kujton Sputnik, më herët u njoftua se presidenti serb Aleksandar Vuçiç synon të kërkojë mbështetje nga Vladimir Putin për të zgjidhur situatën në Veri, dhe kjo pas shkuarjes “provokative” të Thaçit në Gazivodë.
Por deri më tani nuk ka asnjë fjalë për mbështetjen ushtarake. Takimi i dy presidentëve është planifikuar për në 2 tetor, shkruan Sputnik.
Presidenti Vuçiç tha dje se takimin me Putinin do të diskutojë të gjitha çështjet e rëndësishme për Serbinë, dhe se prioritet do të jetë për të situata në Kosovë. /tesheshi.com/
