PD vijon të zgjedhë për komunikim mediatik portrete vajzash seksi, pa asnjë thelb apo aureolë politike. Edhe pse ofron një lloj politike krejt burrërore në aspekt në rëndomësisë, pra aspak seksi në kuptimin etik apo estetik, kur vjen puna të zëdhënëset, kujdeset që imazhi i tyre të jetë sa më joshës më shumë se sa bindës në artikulim. Përjashtim ka bërë Majlinda Bregu dikur, që më shumë se pamjen simpatike femërore, ka diktuar në opionin formimin e saj politik apo intelektual.
Kështu, zëdhënëse e re e një PD-je krejtësisht të vjetër, me ende Berishën në krye, është Fjoralba Dizdari, e zgjedhur edhe anëtare e Këshillit Kombëtar të kësaj force.
Por Dizdari është e njohur në publik si miss, modele dhe prezantuese, çka e vë ë sfroco opinionin që ta gëlltisë dhe si zëdhënëse politike.
Ngjashëm dhe Floriana Garo, e cila veç pamjes nuk ofron asnjë lloj formimi politik që të mund të justifikojë të qënit e saj krah Berishës si zëdhënëse. Paradoksi bëhet më i madh dhe nga fakti se këto bukuroshe zgjidhen për të qenë zëdhënëse të një mashkulli aspak bukurosh si Berisha, me mungesë të theksuar rinie jo thjesht moshore.
Dhe çfarë është më kryesore, ato nuk sjellin asnjë benefit elektoral, e vërtetuar kjo tashmë. /tesheshi.com/
