Ilir Meta nuk e dinte se do të takohej me Edi Ramën të mërkurën në orën 11.00. Mendonte se pas përplasjes së fortë të së premtes për Saimir Tahirin dhe Peshkopinë, nuk do të ishte e lehtë përballja live në një moment acarimi.
Besonte se Rama, që është më emocional, nuk do të pranonte vetë të paraqitej në takimin të cilin gazetarët e kanë emërtuar “dënim me detyrim paraqitjeje çdo të mërkurë”.
Sidomos pas sherrit të fortë dhe thuajse kërkesës së prerë për Sajmir Tahirin dhe bindjen e Metës se ministri i Brendshëm i ka ditët e numëruara.
Por siç mësohet, kryeministri i ka bërë të ditur aleatit të tij-rival në të majtë se kishte dijeni të plotë, jo vetëm për dosjen e përgjimit por edhe një dosje tjetër ende të papërorur kundër Sajmir Tahirit, madje edhe personin që punon në kupolën e Ministrisë së Brendshme dhe që e ka dorëzuar këtë dosje në selinë e LSI-së.
Mësohet gjithashtu që kreu i qeverisë ka dhënë të kuptojë se dosja ishte servirur nga njerëzit e tij në Ministrinë e Brendshme.
Zyrtari që ka dërguar materialin për Tahirin tek Meta, ka punuar deri vonë si Drejtor i Inspektimit në Ministrinë e Brendshme, pra shkurt si njeriu që ka në dorë kontrollin e thuajse të gjithë policisë.
Mësohet se është zbuluar një marrëdhënie fluide mes opozitës, NJë pjesE të mazhorancës dhe zyrtarit të rëndësishëm të policisë, i cili ka nxjerrë material konfidenciale, por që më pas është peshkuar vetë.
Rasti i Arben Frrokut në Holandë ka qenë më i fundit, kur me një kombinacion brenda Ministrisë përpara se të vinte shkresa nga Holanda, në një komunikim informal u mor vesh për arrestimin e vëllait të ish-deputetit, i cili ndiqej vazhdimisht nga agjentët e anti-krimit.
Dy krerët e koalicionit flasin me kode prej kohësh dhe përdorin bllofin me synimin për ta mbyllur lojën, duke përfituar sa më shumë nga shantazhi dhe pikat e dobëta-të njeri-tjetrit.
Është një garë brenda së majtës ku Meta krijon diversion brenda PS-së, por edhe Rama nuk ka munguar të “fusë duart” brenda oborrit të LSI-së.
Dhe Meta ia ka arritur që të fusë më shumë se një herë Edi Ramën në hullinë e lojës së saj politike.
Por të mërkurën, duket ka qenë supriza e dytë për Metën, pikërisht edhe pas përkrahjes së SHBA dhe vendet e BE-së për sulmin ndaj Tahirit për pajisjen përgjuese.
Krerët e lartë të qeverisë kanë drejtuar gishtin ndaj një zyrtari të lartë në Ministrinë e Brendshme përfaqëson LSI-në, i cili nuk është as më shumë e as më pak, por numri dy i MB.
Kryeministri Edi Rama ka mbërritur në zyrën e Metës pikërisht për të konfirmuar takimin me Lulzim Bashëm, duke sjellë në vëmendje krerët e mëdhenj, por edhe duke i dërguar një mesazh Ilir Metës, që nuk është Enver Hoxha me paranoja, por që i kupton manovrat politike të ditës.
Dy krerët e koalicionit kanë folur paraprakisht edhe për vizitën e Joe Biden në Tiranë në ditët e para të qershorit.
Dhe pikërisht vizita e Biden-it është “asi nën mëngë’ i Edi Ramës, pasi mësohet se zv.presidenti amerikan do të asistojë live në votimin e politikanëve shqiptarë për reformën në drejtësi, ku do të përsëritet sërish se “mbështetet nga qeveria e SHBA-së”. /tesheshi.com/
