Astronomët kanë zbuluar vrimën e zezë më të afërt të njohur me Tokën, “vetëm” 1600 vjet dritë larg.
Shkencëtarët kanë raportuar se kjo vrimë e zezë është dhjetë herë më masive se Dielli ynë dhe tre herë më afër se vrima e zezë më e afërt e mëparshme, sicc raporton AP.
Rajoni në hapësirë u identifikua duke vëzhguar lëvizjen e yllit të tij shoqërues, i cili rrotullohet rreth vrimës së zezë në afërsisht të njëjtën distancë si Toka rreth Diellit.
Vrima e zezë u zbulua fillimisht nga anija kozmike Gaia e Agjencisë Evropiane të Hapësirës, tha Kareem El-Badry nga Qendra Harvard-Smithsonian për Astrofizikën.
Ata nuk janë të sigurt se si është formuar
Ai dhe ekipi i tij iu drejtuan Observatorit Ndërkombëtar Gemini në Hawaii për të konfirmuar gjetjet e tyre.
Studiuesit thonë se nuk janë të sigurt se si u formua vrima e zezë në galaktikën Rruga e Qumështit.
Termi “vrimë e zezë” në astronomi përfaqëson një objekt, fusha gravitacionale e të cilit është aq e fortë sa që asnjë formë materies ose rrezatimi nuk mund të hidhet prej tij. /tesheshi.com/
