Zbulohet “Stefania” ukrainase e çmimit të parë: kullon gjak!

Grupi ukrainas “Kalush Orchestra” publikoi një video për këngën fituese “Stefania” pak orë pas fitores së tyre në Eurovizionin e këtij viti.

Videoklipi është xhiruar në qytetet e shkatërruara nga Rusia, Butcha, Irpin, Hostomel dhe Borodyanka.

Ata thanë se nuk kanë dashur ta publikojnë para Eurovizionit për të mos u akuzuar për politizimin e garës. Videoja përfundon me një thirrje: “Qëndroni pranë Ukrainës”.

“Kështu i shohim sot nënat ukrainase,” tha kreui grupit Oleh Psiuk për videon, e cila tashmë ka mbledhur miliona shikime brenda disa orësh nga publikimi i saj. “Ne u përpiqëm të transmetonim mesazhin se si është Ukraina sot”.

Videoklipi u publikua pak orë pasi “Orkestra Kalush” i solli Ukrainës fitoren e tretë të Eurovizionit, duke mundur Britaninë në finalen e madhe. Më shumë se 200,000 milionë shikues ndoqën Eurovision Song Contest. Publiku me votën e tij ishte ai që e çoi Ukrainën në krye.

Fitorja ringjalli shpirtin ukrainas dhe ishte një konfirmim i fortë i kulturës ukrainase, e cila, siç tha Psiuk, ishte “sulmuar” nga pushtimi rus. /tesheshi.com/