Një grup profesorësh të Universitetit të Cambridge kanë drejtuar skemën ruse për të ndërhynë në zemër të zgjedhjeve amerikane.
Cambridge Analytica, që është edhe një shoqëri shumë e famshme për analizën e të dhënave, ka qenë pjesë e kësaj skeme ku janë vjedhur identitetet e 50 milionë profileve në Facebook dhe janë përdorur për të influencuar si në zgjedhjet e SHBA-së ashtu edhe për Brexit.
Skandali është zbuluar nga gazetat kryesore amerikane: New York Times dhe Wall Street Journal, të cilat kanë siguruar një rrëfim të një studiuesi të Cambridge Analytica.
Një makinacion alla Big Brother të George Orwell-it apo si në serialin House of Cards?
Sinjali i parë pas nxjerrjes së studimit ishte një reagim i dhunshëm i Faceook. Korporata gjigande i ka bllokuar llogarinë Cambridge Analytica-s, duke treguar indinjimin ndaj tyre.
Duket si Fanta-triller por në fakt është ngjarje reale që mund të përfundojnë në gjykatë me konseguenca që mbërrijnë deri në Shtëpinë e Bardhë.
Steve Bannon, këshilltari i larguar i Trump ka qenë një nga drejtuesit e Cambridge Analytica.
Dhe hetimi kryesor i prokurorit special Robert Mueller mbi Russia Gate rrotullohet pikërisht rreth kësaj shoqërie.
Alexander Nix, një zyrtar i Gambridge Analitica ka deklaruar për La Repubblica-n se ai ka punuar jo vetëm në SHBA por edhe në Europë dhe Itali, duke u futur të dridhurat mbi zgjedhjet e fundit italiane.
Ekspertët kanë përdorur një metodë të quajtur psikografi, ku bazohet në përdorimin e të dhënave të miliona njerëzve për të influencuar mbi zhvillime dhe qëndrime politike.
Në fundin e vitit 2015, Facebook kishte zbuluar se të dhënat e tij ishin përdorur nga shoqëri të ndryshme, për rreth 50 milionë banorë.
Tashmë gjithçka po bëhet edhe më e qartë dhe ku pritet të ketë një tërmet shumë të fuqishëm…jo vetëm në politikën botërore. /tesheshi.com/
