Mund të gjendet në nofullat e peshkaqenëve sekreti i të pasurit dhëmbë të përjetshëm. Një grup kërkuesish në Universitetin e Sheffield, në Britaninë e Madhe, kanë zbuluar mekanizmin që është përgjegjës për rigjenerimin e vazhdueshëm të dhëmbëve të peshkaqenëve, çka lejon zëvendësimin e tyre njëri pas tjetrit. Sipas studimit, i cili është publikuar në revistën Developmental Biology, e gjithë merita është e fletës dentare, e përbërë nga qelizat epiteliale që i ka edhe njeriu, por që ndodhen vetëm tek dhëmbët e qumështit.
Sheqernat e shumta dhe higjiena jo e pastër, minojnë buzëqeshjet e miliona njerëzve në të gjithë botën. Ndryshe nga ne, peshkaqenët mund të kenë njëkohësisht deri në 3 mijë dhëmbë, të cilët janë duke u zhvilluar. Gjatë jetës ata humbin deri në 30 mijë dhëmbë dhe i zëvendësojnë me të tjerë, që lindin brenda muajit.
Studimi – Ekipi i drejtuar nga Gareth Fraser ka analizuar embrionin e një specieje peshkaqeni të quajtur “gattuccio”, duke ndarë dhe analizuar grupin e gjeneve përkatëse të programit të “rigjenerimit permanent”. “Lajmi i mirë është që këta gjene janë përgjegjës për zhvillimin e të gjithë dhëmbëve të vertebrorëve, përfshirë edhe njerëzit”,- thotë Fraser. /tesheshi.com/
