Senatori republikan Ted Cruz do të drejtojë një grup prej 11 republikanësh të cilët do të përpiqen të sfidojnë fitoren e Joe Biden-it në Kongres javën e ardhshme, por një lëvizje simbolike kjo që vështirë se mund të parandalojë demokratin nga marrja e detyrës, raportuan agjensitë të shtunën.
Senatori Josh Hawey ishte i pari që njoftoi në fillim të kësaj jave se ai do të kundërshtonte konfirmimin nga Kongresi të rezultateve të Kolegjit Zgjedhor në 6 janar.
Të gjithë senatorët pritet të bëjnë betimin të dielën kur do të formojnë një Kongres të ri.
Në një deklaratë të lëshuar të shtunën, senatorët e udhëhequr nga Cruz thanë se do t’i kërkonin Kongresit të ngrinte një komision për të hetuar “mashtrimin e mundshëm të zgjedhjeve”. Brenda dhjetë ditësh, komisioni duhet të kryejë një auditim në të gjitha shtetet ku ishin “të lidhur” dy kandidatët presidencialë.
Deklarata nuk specifikoi se cilat vende ishin të përfshira.
Nëse ai rishikim nuk kryhet, “më 6 janar, ne do të refuzojmë zgjedhësit e shteteve të diskutueshme”, deklarojnë nënshkruesit.
Sipas sistemit zgjedhor amerikan, Kolegji Zgjedhor konfirmon rezultatet e zgjedhjeve nga sondazhet, dhe kështu më 14 dhjetor, Kolegji Zgjedhor konfirmoi që Biden mori 306 vota elektorale, dhe Donald Trump 232.
Të dy dhomat e Kongresit, Dhoma e Përfaqësuesve dhe Senati do të konfirmojnë këto rezultate në një seancë themeluese të mërkurën, e cila është kryesisht një proces ceremonial.
Republikani Donald Trump refuzon të pranojë se Biden fitoi zgjedhjet e 3 nëntorit dhe është përpjekur të sfidojë fitoren me procese të shumta gjyqësore që pretendojnë parregullsi zgjedhore dhe mashtrim, por të gjitha proceset gjyqësore të tij janë hedhur poshtë.
Në Dhomën e Përfaqësuesve, në të cilën demokratët kanë një shumicë, më shumë se njëqind republikanë do të votojnë kundër konfirmimit të rezultateve të zgjedhjeve, sipas CNN.
Sidoqoftë, asnjë republikan rebel nuk ka vota të mjaftueshme në asnjë shtëpi për të pasur sukses në misionin e tyre. Presidenti Joe Biden pritet të betohet në 20 janar. /tesheshi.com/
