Vladimir Putin ka siguruar personalisht Bashar Al-Assad se Rusia nuk do të lejojë që qeveria e Sirisë të humbasë luftën civile, sipas fjalëve të anëtarit të parlamentit, i cili së fundmi takoi diktatorin siranian.
Gjatë vizitës në Damask si pjesë e misionit fakt-gjetës, David Davis ka mbajtur një takim sy më sy me Presidentin Assad.
Ai tha për emisionin Andrew Marr Show në BBC, se lideri sirian ka diskutuar motivet prapa tërheqjes së pjesshme të forcave ushtarake të Putinit nga vendi, pasi u dëshmua se trupat ruse luajtën rol të rëndësishëm në favor të regjimit.
“Intervenimi rus ngriti në tërësi armatën siriane përsëri në këmbë. Pasi e pyeta pse [Putini] zvogëloi shkallën e sulmeve,” Z. Davis tha. “[Assad] deklaroi që: ‘Sepse Rusia është kritikuar për zvarritjen e bisedimeve,’ duke zbehur motivimin e tij për të negocuar.
‘Putin tha, nuk do t’ju lëme të humbisni.’ Për mua kjo ishte fjalia më e rëndësishme e tërë vizitës.”
Z Davis, ish-ministër dhe njëherë udhëheqës konzervativ, u tregua optimist kur tha: sigurimi i përkrahjes ruse, nëse do të ishte dhënë, do të nënkuptonte vetëm fitore të regjimit, ose një zgjidhje e negocuar në Siri.
“Perendimi”, tha ai, “duhet të fillojë një strategji të bindjes ekonomike dhe t’i ofrojë regjimit një ”Plan Marshall per Sirinë” – si referencë për mbështetjen ekonomike të SHBA-së të ofruar për rindërtimin e Gjermanisë dhe shteteve tjera europiane pas luftës së dytë botërore.
“Siria ishte një herë e një kohë Gjermania e Levantit – shportë buke, prodhuese e barërave, tekstilit, etj“ tha Davis. “Kjo pastaj do të na mundësonte të themi: Nëse dëshiron këtë, duhet të negocosh në mënyrën e duhur, duhet të bësh atë që të themi dhe të krijohet një regjim i civilizuar.”
Presidenti Putin urdhëroi tërheqjen e shumicës së trupave ruse nga Siria në mars, duke lënë vend për spekulim në lidhje me një prishje në mes të Damaskut dhe Moskës.
Sidoqoftë, Rusia ka mbajtur një prezencë ushtarake në vend, dhe regjimi vazhdon të avancojë kundër forcave rebele në vend, duke përzënë luftëtarët e ISIS jashtë qytetit antik te Palmyra dhe zonës përreth.
Marrë nga independent- /tesheshi.com/
Përgatiti: Jeton Zenuni
