Dy Superfuqitë Botërore kanë nisur një garë armatimesh në Ballkan, ku Rusia po magazinon gjithnjë e më shumë arsenal luftarak tek aleati i saj i ngushtë në rajon-Serbia.
Zv/kryeministri rus, Dmitry Rogozin, ka deklaruar se Moska do të zgjerojë planin e saj për të riarmatosur Serbinë, që në fakt si trashëgimtare kryesore e Jugosllavisë është një nga depot më të mëdha të armëve konvencionale dhe municioneve shkatërrimtare në Ballkan.
Rogozin, deklaroi për gazetën e njohur ruse Sputnik se Serbia është një aleat i fortë i Rusisë dhe furnizimi nuk duhet parë si një veprim ndaj dikujt tjetër, por ka theksuar faktin se Kroacia ka blerë armë nga Shtetet e Bashkuara të Amerikës.
Siç thekson televizioni serb B92, zyrtari i lartë rus ka vizituar kohët e fundit Beogradin pikërisht për të biseduar mbi marrëveshjet e armatimit.
I pyetur nga Sputnik, nëse Rusia mund ta ndihmojë Serbinë, nisur nga fakti që Kroacia ka vendosur të blejë armë ofensive nga SHBA, Rogozin tha se “këtu kemi të bëjmë me dy aspekte që kërkojnë dy përgjigje”.
“E para ne e trajtojmë me respekt çështjen e sigurisë së Serbisë dhe ne do të furnizojmë atë me disa sisteme raketore tokësore dhe ajrore. Dhe kjo nuk ka të bëjë me kërcënim ndaj askusjt.
Ne e konsiderojmë Kroacinë si çdo shtet tjetër në Ballkan dhe Europë, pra me respekt dhe sjellje të njëjtë ndaj saj.
Në fakt furnizimi i Serbisë nuk ka të bëjë me këtë çështje pasi është një problem i vetë Beogradit sdi do ta trajtojë armatosjen e vendit fqinj të saj.
Misioni ynë është të veprojmë kur na e kërkojnë aleatët tanë, me të cilët kemi një lidhje historike, pasi nuk duam që të ndjehen keq nga problem i sigurisë.
Zyrtari i lartë rus tha se lloji i sistemit raketor që do të marrë Serbia do të menaxhohet nga ushtarakë rusë deri në momentin kur ata serbë të arrijnë të perfeksionojnë përdorimin e tyre. Ai shtoi se kjo ka një kosto financiare por jo shumë të madhe, pasi është një operacion i parë edhe në rrafshin ekonomik.
“E rëndësishme është të thuhet se sistemet raketore nuk janë vënë kundër asnjërit. Por nëse do të ketë armatosje në një nga vendet e NATO-s përreth Serbisë ky është problem.
Sipas informacioneve që kemi, armatosja e fqinjëve të Serbisë, nuk të mbush me optimizëm.
Rusia flet në për armë defensive që nuk mund të përdoren kundër asnjërit pasi mbrojtja kundërajrore nuk mund të përdoret për të sulmuar.
Kjo bëhet për të neutralizuar ndonjë aggression nga ajri por nuk se ka plane për aggresion. Në anën tjetër burimet raketore tokësore dhe instalimet janë natyrisht armë sulmuese.
Nuk është një mburojë por një shpatë dhe kur kolegët tanë kroatë po përpiqen të blejnë armë sulmuese, apo dikush i shtyn ta bëjnë këtë veprim çështja duhet ngritur ndryshe. Kundër kujt do t’i përdorin këta armë në rajon?
Kur dihet se ata instalime do të kenë një rreze veprimi 270-300 kilometrash dhe mund të shkaktojnë problem për sigurinë e fqinjëve”, deklaroi Roznik.
/tesheshi.com/
