Princi Philip, Duka i Edinburgut, gruaja e Mbretëreshës britanike Elizabeth II, e cila ndërroi jetë muajin e kaluar në moshën 99 vjeç, ka mbetur me 30 milion paund në pronë personale.
Shumica do të trashëgohet nga gruaja, pra nga mbretëresha, por shumë emra të tjerë përmenden në testament.
Sipas mediave britanike, duke cituar “burime të ndryshme të afërta” sepse Pallati Buckingham refuzon të komentojë mbi përmbajtjen e testamentit, duke shpjeguar se kjo është një çështje familjare, paratë do t’u jepen gjithashtu bashkëpunëtorëve të ngushtë të princit, gjë që nuk është zakon në familjen mbretërore.
“Ndryshe nga anëtarët e tjerë të familjes, Princi Philip ishte bujar sidomos ndaj tre personave e që u kujdesën më shumë për të,” zbuloi një person i brendshëm për The Sun.
Edhe nipërit e tij nuk do të kalojnë keq, mes tyre Princ Harry, megjithë problemet që ai shkaktoi duke dhënë dorëheqjen me gruan e tij Meghan nga të gjitha detyrat, duke u zhvendosur në një kontinent tjetër dhe daljet publike në televizione në të cilat ai nuk fliste mirë për familjen.
“Filipi nuk ishte tipi për të ndëshkuar nipin e tij për sjellje të keqe. Ai ishte një njeri shumë i drejtë, i matur dhe i mrekullueshëm. Ai nuk ishte i zemëruar,” tha i njëjti burim.
Katër fëmijët e tij – Princesha Anne dhe Princat Charles, Edward dhe Andrew do të jenë në gjendje të marrin gjithçka që duan nga koleksioni i tij i gjerë dhe jashtëzakonisht i vlefshëm i librave. /tesheshi.com/
