Është zgjidhur pas gati 30 vitesh autorësia e vrasjes së bujshme drejtorit të famshëm televiziv të Hollivudit dhe producentit Barry Crane, e kjo falë një testi të ADN-së me një të dyshuar, njoftoi policia e Los Anxhelosit.
Fjala është për një person nga Karolina e Veriut, Edward Hiatt, 52-vjeç, tashmë nën akuzë direkte për vrasjen e ndodhur në vitin 1985.
Pra, arrestimi ndodh pothuajse tre dekada pas misterit që përfshiu vrasjen e Barry Crane, i njohur për seritë televizive nga vitet ‘60, ‘70 dhe ‘80 të shekullit të kaluar, përfshirë hitet “Dallas”, “Misioni i pamundur” dhe “Hawaii Five-O”.
“Hetuesit biseduan me Hiattin dhe ai pranoi vrasjen e Barry Crane gjatë bisedës”, u tha në një deklaratë.
Policia mbërriti deri te Hiatt pasi gjeti gjurmët e gishtave të tij në makinën e Crane të vjedhur nga shtëpia e tij pas vrasjes.
Për këtë vrasje, ai pritet të dënohet me burgim të përjetshëm. /tesheshi.com/
