Shkencëtarët japonezë kanë zbuluar një pajisje të quajtur “lexuesi i mendjes”. Kjo pajisje mund të lexojë fjalët nga truri, pa qenë nevoja që të flasim. Sipas shkencëtarëve, ajo rrit mundësinë e komunikimit telepatik.
Hulumtuesit kanë arritur në përfundimin se fjalët që zbulohen nga kjo pajisje janë të njëjta me ato që personi do të shprehë. Ata kanë arritur që të zbulojnë disa fjalë në gjuhën japoneze.
Shkencëtarët pretendojnë se me anë të kësaj teknologjie mund të bëjnë lidhjen mes valëve të trurit dhe shkronjave të alfabetit japonez. Kjo sipas tyre bëhet pa pasur nevojë që personi të flasë.
Për të dëgjuar fjalët e pathëna, kërkuesit kanë përdorur një metodë të quajtur “electroencephalogram” ose EEG. Kjo teknologji regjistron veprimtarinë elektrike të trurit duke përdorur një sërë elektrodash në lëkurën e kokës, për të zbuluar valët e trurit./tesheshi.com/
