Arkeologët spanjollë kanë zbuluar një mumje mijravjeçare në “gjendje shumë të mirë”, në afërsi të qytetit jugor egjiptian të Luxorit.
Ata deklaruan të dielën e kaluar se varri i përket një periudhe që ndoshta daton mes viteve 1075-664 p.e.s në bregun perëndimor të lumit Nil, 700 km në jug të Kajros.
Mumja, e fashuar me copë liri, ishte futur në një sarkofag me ngjyra të ndezura prej druri dhe ndodhej pranë një tempulli nga koha e katërt mijëvjeçarit luftëtar të faraonit Tutmesi III.
Varri mendohet se përkiste një fisniku, Amenrenef, i cili ishte “një shërbëtor i familjes mbretërore”, ka deklaruar ministria egjiptiane e antikuariatit.
Gjurmët me të hershme të balsamimit në Egjipt që kishin si praktikë mbështjelljen e trupave për ruajtjen e tyre pas vdekjes, datojnë rreth 4500 para erës sonë ose afërsisht 6500 vite më parë.
Luxori ku u gjend fisniku, Amenrenef i mumifikuar, është një qytet me gjysmë milioni banorë në brigjet e Nilit, i tej mbushur me tempujt dhe varret e ndërtuar nga faraonët e Egjiptit. Ai është një vënd i rëndësishëm turistik për Egjiptin. /tesheshi.com/
