Gjatë restaurimit të manastirit Shën Katerina, murgjit kanë gjetur një dorëshkrim që besojnë se i përkiste mjekut të lashtë grek.
Hipokrati ishte ndoshta mjeku më i famshëm në histori dhe konsiderohet si babai i mjekësisë.
Arkeologët besojnë se kanë gjetur shënime mjekësore të këtij mjeku të lashtë gjatë restaurimit të një prej bibliotekave më të vjetra në botë. Gjatë kryerjes së restaurimit të manastirit të Shën Katerinës në Sinain jugor, një rajon të largët të gadishullit në verilindje të Egjiptit, murgjit pretendojnë se kanë gjetur një dorëshkrim që i përkiste mjekut, është konfirmuar nga qeveria e Egjiptit dhe Greqisë, shkruan National Geographic.
Dorëshkrimi përmban shënimet mjekësore që hulumtuesit i lidhin me Hipokratin. Dorëshkrimi po ashtu përmban edhe tre receta me foto të bimëve të cilat i shkroi një mjek anonim.
Dorëshkrimi ishte një nga palimpsestët më të rëndësishme të Sinait në bibliotekë. Palimpsestët janë punuar prej lëkure, të cilat në atë kohë ishin shumë të shtrenjta dhe të mëdha. Për këtë arsye përmbajtja origjinale e shumë pergameneve ka mundur të fshihet, ose të ri-shkruhet mbi dorëshkrimet e vjetra.
Në rastin e një recetë mjekësore të gjetur të Hipokrati së fundmi, shtresa e dytë e Biblës i njohur si dorëshkrimi i Sinait është shkruar mbi dorëshkrimin origjinal.
Teksti është hulumtuar nga hulumtuesit prej EMEL (Early Manuscripts Electronic Library), të cilët bashkëpunojnë me manastirin Shën Katerina. EMEL ka përdorur imazhet spektral për të lexuar palimpsestet. Kjo teknikë mund të zbulojë tekstin e fshehur nën shtresën e dytë të tekstit në dorëshkrim duke zbuluar atë që nuk mund të shihet me sy të lirë.
“Dorëshkrimi, i cili përmban edhe tre tekste mjekësore, do të regjistrohet në dorëshkrimet ndoshta më të rëndësishme dhe më të vjetra dhe në botë”, tha studiuesi Michael Phelps për gazetën egjiptiane Asharq Al-Aswat.
Rreth 130 dorëshkrime të njohura në palimseste ndodhen në manastirin Shën Katerina, dhe përmbajtja e teksteve të fshira që ndodhet nën tekstin e dukshëm është kryesisht i panjohur për shumicën e dokumenteve.
Biblioteka përfshin rreth 3,300 dorëshkrime të cilat janë shkruar kryesisht në gjuhën greke, por mund të gjenden edhe në gjuhën arabe, siriane, latine, gjeorgjiane dhe aramaike./tesheshi.com/
