Një insekt i kapur nga etimologët kinezë në vitin 2014 në provincën Guangxi është cilësuar si insekti më i gjatë i kapur ndonjëherë. Lajmi është bërë i ditur nga shkencëtarët kinezë, siç raporton agjencia e lajmeve Xinhua.
Insekti është kapur nga etimologu Zhao Li dhe është i gjatë 62.4 centimetra. Rekordi i mëparshëm ishte thyer nga një insekt i kapur në Malajzi me një gjatësi prej 56.7 centimetrash, i cili tashmë gjendet në muzeun e historisë së natyrës në Londër.
“Isha duke mbledhur insekte në një mal të lartë 1200 metra në qytetin Liuzhou, në Guanxi, gjatë mbrëmjes së 16 gushtit 2014, kur një hije e zezë u shfaq në distancë dhe dukej si një degë peme”, – tregon Zhao. “Kur u afrova ngela i tronditur, duke parë se këmbët e insektit ishin të gjata sa edhe trupi i tij”, – ka thënë shkencëtari. /tesheshi.com/
