Mbetjet e 15 individëve të “Homo naledi” janë rikuperuar në një shpellë 80 metra nën tokë
Ishte një metër e 50 centimetra i gjatë dhe peshonte rreth 45 kilogramë. Bëhet fjalë për Homo Naledin, një specie e re e llojit Homo dhe ‘kushëriri’ ynë i largët, i cili është identifikuar flaë mbetjeve të mbi 1550 kockave të zbuluara në një pus thë thellë në një shpellë rreth 80 metra nën tokë në Afrikën e Jugut. Bëhet fjalë për një studim të dyfishtë i cili ilustron këtë zbulim të jashtëzakonshëm të publikuar më 10 shtator (sot) në revistën e specializuar eLife.
Naledi = Yll
Emri, naledi, i është vënë prej emrit të Dinaledi Chamber në shpellën Rising Star, ku në vitet 2013 dhe 2014 janë gjetur mbetjet e të paktën rreth 50 personave. Në gjuhën Sotho, e cila flitet në këtë zonë, ‘naledi’ nënkupton ‘yll’. Sipas kërkuesve, eshtrat e gjetura janë vetëm një pjesë e atyre që ndodhen në shpellë, jo shumë larg Johannesburg. Bëhet fjalë për një zonë që Unesco e ka shpallur Pasuri të Njerëzimit, për shkak të pasurisë së saj me eshtra antike të paraardhësve të njeriut të sotshëm.
Periudha kohore ende e paditur
Kërkuesit, të drejtuar nga Lee Berger i universitetit Afrikano Jugor në Witwatersrand, mes personave, kanë identifikuar edhe të sapolindur, të rinj dhe persona më të moshuar. Të gjithë kanë paraqitur të dhëna homogjene, por data e saktë e periudhës kohore të këtyre personave ende nuk është identifikuar. Për momentin varion rreth 100 mijë e dy milion vite më parë. Sipas ekspertëve, Jomo Naledi ka një tru të vogël dhe një shtat mesatar. “Është e çuditshme: kishte në skelete gjurmë moderne bashkë me ato arkaike”,- komenton Chris Stringer, i Muzeut të historisë natyrale në Londër./tesheshi.com/
