Presidenti ukrainas Volodymyr Zelensky tha të shtunën se u takua me drejtorin e CIA-s, William Burns në Ukrainë.
“Bill Burns ishte në vizitën e tij të fundit në Ukrainë si drejtor i CIA-s”, ka njoftuar Zelensky në Telegram, duke shtuar se “gjatë luftës kanë pasur takime të shumta, shumica e të cilave nuk janë publikuar”.
“Ai dhe unë kemi pasur takime të shumta gjatë kësaj lufte dhe i jam mirënjohës për ndihmën e tij”, shtoi Zelensky.
Takime sekrete
“Takime të tilla zakonisht nuk njoftohen për publikun dhe të gjitha takimet tona – në Ukrainë, në vende të tjera evropiane, në Amerikë dhe në pjesë të tjera të botës – u zhvilluan pa publikimin e informacionit zyrtar”, tha ai.
Të shtunën, Zelensky publikoi një foto të tij duke shtrënguar duart me Burns para stemës së Ukrainës. Ai nuk specifikoi se kur ndodhi, por tha se ishte takimi i tyre i fundit përpara se Burns të largohej nga detyra.
Hera e fundit që dihet se ata janë takuar ishte në vitin 2023. Zyrtarët amerikanë thanë në korrik 2023 se Burns kishte bërë së fundmi një vizitë sekrete në Ukrainë. /tesheshi.com/
