Një institucion zyrtar i Kosovës ka bërë të ditur se janë regjistruar si ish-pjesëmarrës në Ushtrinë Çlirimtare të Kosovës plot 46 230.
Ky numër ka hasur në polemika të forta dhe debate.
Poeti dhe shkrimtari i njohur, Ukë Lushi, i cili ka qenë pjesëmarrës në batalionin “Atlantiku” të UÇK-së, aty ku përgjithësisht merrnin pjesë emigrantët nga Shtetet e Bashkuara të Amerikës, ka shprehur shqetësim për këtë numër të madh.
“Nuk ka mundësi që kemi qenë 46 230 ushtarë beteje në UÇK. Kërkoj nga Qeveria dhe Kuvendi i Republikës së Kosovës që të propozojnë dhe miratojnë ‘Ligjin e Nderit Ushtarak’, siç e ka Amerika ‘The Stolen Valor Act’, sipas të cilit nëse një person vjedh apo mashtron me merita dhe medalje luftarako-ushtarake, atëherë personi dënohet me gjobë dhe/ose me burg. Prokuroria duhet të fillojë hetimin e rasteve mashtruese dhe gjykatat duhet të japin dënimet më drakonike për hajnat e statutit të veteranit/veteranes dhe të njëjtën duhet ta bëjnë me personat zyrtarë që janë përgjegjës për futjen në lista të atyre që nuk ishin luftëtarë beteje në UÇK”, thekson Lushi në një postin në Facebook.
Ndërkaq, një tjetër pjesëmarrës në UÇK, Sheradin Berisha, ka publikuar një pasqyrë e numrit të Ushtrisë Çlirimtare të Kosovës sipas efektivave.
“Uk, pas perfundimit te luftes, shefi i SHP te UCK’se Agim Ceku e ka bere listen e ushtareve te UCK duke u nisur nga SHP, per te gjitha Zonat Operative. Sipas kesaj liste Numri i pergjithshem ka qene 13458 pjesetare! Shikoni listen”, shkruan Berisha. /tesheshi.com/
