Nënshkrimi i uellsianit me klubin mbretëror është njëri ndër transferimet më të mëdha në historinë e futbollit. Por përkundër asaj që thanë zyrtarët madrilien se operacioni ishte mbyllur me sukses për shifrën e 91 milionë eurove, shtypi madrilien ka deklaruar se transferimi në fakt është përfunduar për 99 milionë euro, gjë që e bën Bale futbollistin më të shtrenjtë në histori.
Uellsiani hodhi të zezën mbi të bardhë më 31 gusht të vitit 2013, me shumë spekulime rreth shumës për të cilën erdhi në Bernabeu. Kontrata e nënshkruar nga Daniel Levy, Darren Eales (drejtorë general të Tottenham) dhe Jose Angel Sanchez, Lopez Farre (avokatë të skuadrës mbretërore) përfshirë dhe vetë futbollistin, është njëra ndër kontratat më komplekse në gjithë historinë.
Pikat e nënshkruara në këtë kontratë janë mjaft interesante dhe si pasojë e njërës prej tyre, mbretërit tani u detyrohen 10 milion paund më shumë “gjelave” të Londrës.
Në pikën 10 të kontratës, Totenham rezervoi të drejtën për blerjen e futbollistit nëse Reali do të vendosë ta shesë në Premier League para 30 qershorit të 2019-ës.
Ndërsa në pikën 11-të shkruhet se nëse Totenham nuk e shfrytëzon këtë të drejtë dhe shitja e lojtarit do të ndodhte para datës 1 shtator 2015, atëherë Reali i Madridit do t’i duhej të paguante klubit anglez 10 milionë paund.
Kështu, Bale tejkalon shokun e skuadrës Cristiano Ronaldon sa i përket shifrës së transferimit, pasi portugezi kishte kushtuar 94 milionë euro dhe ishte lojtari më i shtrenjtë deri më tani. /tesheshi.com/
