Një flotë e tërë anijesh të fundosura përgjatë shekujve prehet në thellësitë e Detit të Zi, në veri të Turqisë.
41 anijet, që datojnë që prej fillimit të Perandorisë Bizantine (1000 vjet më parë) e deri në kohërat më të vonshme të Perandorisë Osmane, duket se janë ruajtur mjaft mirë.
Në shumicën e rasteve, reliket e zbuluara gjenden në ujëra të cekëta, ku rrymat e ujit lënë në këmbë vetëm skeletin. Por këto anijë janë gjetur në thellësinë deri në 1,100 metra, ku mungesa e oksigjenit ka bërë që pjesa më e madhe e përbërë nga druri të ruhet në kushte të mirë.
Anijet janë gjetur rastërisht.
Një ekip arkeologësh i Black Sea Maritime Archaeology Project, i udhëhequr nga universiteti i Southhampton në Britaninë e Madhe, e ka zbuluar këtë thesar teksa kërkonte në thellësitë e Detit të Zi për të rindërtuar kohët dhe modalitetin me të cilin është rritur ky det i mbyllur gjatë epokës së akullnajave.
Arkeologët mendojnë se bëhet fjalë për anije tregëtare, duke parë distancën nga bregu ku janë gjetur dhe kushtet e mira. /tesheshi.com/
