Kartelet meksikane të drogës kanë filluar të përdorin metodën e re të kontrabandës së drogës, dhe atë përmes dronëve.
Policia arrestoi shtetasin amerikan 25-vjeçar, Jorge Edwin River 1.83 kilometra nga kufiri, pasi vërejti dronin e tij duke fluturuar gjatë fundjavës. Zyrtarët konfiskuan dronin, por edhe gjashtë kilogramë drogë me një vlerë prej 46.000 dollarë.
River ka përdorur dronin profesional DJI Matrix 600 (shih modelin në foto kryesore) për transport droge, mes Meksikës dhe San Diegos. Sipas specifikimeve të kompanisë DJI, ky dron mund të bart barrën e rëndë 15.1 kg.
Autoritetet thonë se deri tani më dronët nuk kanë qenë një metodë e njohur e kontrabandës së drogës, kryesisht për shkak të kapacitetit të vogël, megjithatë, zhvillimi i teknologjisë dhe prodhimi në rritje i dronëve mund të ndryshojë këtë.
DJI Matrix 600 kushton 5000 dollarë dhe përdoret nga kameramanët profesionistë për xhirime speciale.
Së fundi, një dron më i vogël është përdorur për kontrabandim të marihuanës, telefonave celularë dhe brisqeve të rrojes për në oborrin e burgut në Michigan. Ky është droni i tretë i tillë i zbuluar nga policia në vitin e kaluar. Dy janë kthyer te pronarët dhe nuk kanë mundur të ndiqen. /tesheshi.com/
