Hetimet që po zhvillohet në SHBA në lidhje me përdorimin e të dhënave private të rrjeteve sociale për propagandë dhe Fake News, mësohet se kanë nxjerrë edhe elementë interesantë që kanë lidhje edhe me Shqipërinë.
Madje mësohet se pikërisht vendi ynë ka qenë terreni i eksperimentimit 4 vjet më parë të asaj që sot është zbuluar, pra përdorimi i të dhënave private në rrjetet sociale për të shpërlarë trurin e publikut.
Bëhet fjalë për një hetim që në fakt ka filluar gjatë nga agjenci të rëndësishme inteligjente partnere të SHBA-së dhe NATO-s, mbi ndikimin e spunazhit kibernetik në Europë dhe në veçanti në Ballkan.
Këto hetime kanë nxjerrë një fakt që na sjell në periudhën para 4 vjetësh kur në Shqipëri, brenda më shumë se 2 javësh u ngrit një furtunë e fuqishme virale që çoi në protestat e famshme për armët kimike të Asadit.
Në atë kohë SHBA i kërkoi Shqipërisë që në territorin e saj trupat e specializuara të SHBA-së të shkatërrojnë armët kimike të regjimit sirian.
Por SHBA dhe Rusia nuk ishin kaq armiqësore sa tani në Siri, madje Moska ishte për një marrëveshje palëve.
Madje në negociatat mes Uashingtonit dhe Moskës të dyja palët ranë dakord që armët kimike që kishte përdorur Asadi mbi civilët të shpatërroheshin si pjesë e procesit të paqes, që në fakt nuk u arrit kurrë.
Por ç’ndodhi?
Në mënyrë të papritur në Shqipëri u prodhua një lëvizje e fuqishme që kundërshtoi me forcë shkatërrimin e armëve kimike siriane në vend.
Madje protestat arritën kulmin ku për herë të parë në 20 vjet u zhvillua një e tillë përpara ambasadës amerikane në Shqipëri.
Në rrjetet sociale u arrit që në pak ditë të bombardohet opinion mbi lajme se shkatërrimi i armëve kimike jo vetëm që ishte i rrezikshëm, por mund të sjellë katastrofa mjedisore të përmasave apokaliptike.
Në ato ditë rrjetet sociale, kryesisht Facebook pati një bombardim të shfaqjeve nëpër wall-et e llogarive shqiptare të kundërshtimeve dhe lajmeve që emetoheshin nga burime mjaft të dyshimta.
Ajo solli një efekt vërtetë shpërthyes ku pati një lëvizje të zhurmshme para kryeministrisë, vend ku shoqatat mjedisore arritën të bindin Edi Ramës t’i thotë “Jo” propozimit amerikan për të shkatërruar armët kimike siriane.
Refuzim që solli jo pak problem ndërmjet marrëdhënieve mes Shqipërisë dhe SHBA-së.
Por shërbimet sekrete të dy vendeve kanë arritur që të zbulojnë një ndërhyrje nga jashtë për të influencuar apo për të injektuar në opinionin publik.
Një burim pranë një agjencie shumë të rëndësishme ligjzbatuese, bëri të ditur se është arritur të abulohet se ka pasur “bombardim artificial” të opinionit publik nëpërmjet Facebook-ut.
Materialet tashmë janë përfunduar dhe janë pjesë e një hetimi që po merr formë ligjore për të gjetur edhe përgjegjësit e kësaj ndërhyrje.
Është vërtetuar se tek armët kimike u përdor edhe “eksperimenti” i atij operacioni të madh që më pas do të trondiste botën në zgjedhjet në SHBA por edhe në të gjithë Europën.
Hetimi që po zhvillohet në SHBA ka arritur në përfundimin se një kompani e njohur, Cambridge Analitica ka përdorur të dhënat e 50 milionë njerëzve në Facebook që të shpërndante Fake News në lidhje me zgjedhjet amerikane për President dhe të ndikonte në axhendën e diskutimit politik.
Vetë kreu i Facebook, Mark Zuckenberg ka pranuar faktin dhe është shprehur i gatshëm që të bashkëpunojë me agjencitë ligjzbatuese.
Ai do të raportojë në Kongresin Amerikan për këtë çështje dhe ka shumë gjasa që të përmendet edhe Shqipëria. /tesheshi.com/
