I njohur për frymën e tij anti-emigrantë në politikë, Sebastian Kurz ndodhet tashmë në majat e karrierës politike, teksa ka kaluar kufirin e të qënit vetëm 30 vjeç si kancelar i Austrisë, pas fitores në zgjedhjet e së dielës.
Dhe menjëherë ka ndodhur që mediat në Austri dhe Gjermani kanë hetuar jetën private të tij, duke u ballafuar me detaje të pazakonta të origjinës familhare.
Siç shkruan Die Welt, Kurz vjen nga një familje e thjeshtë. Nëna e tij ishte një mësuese dhe babai i tij ishte një teknik. Si fëmijë, ai u rrit në lagjen Meidling të Vjenës.
Gjatë kohës kur shkollohet në moshë fëminore, shkruan ky portal, ai ndodhej në klasë me shumë emigrantë, në një kohë kur këta të fundit nuk ishin temë dite, ndonëse po ashtu vinin nga zjarri i luftës.
Dhe bëhet fjalë për boshnjakë, të cilët nga Kurz nuk parapëlqehen as për besimin e tyre, sidomos kur ëshët fjala për femra me shami.
“Në lidhje me çështjet e integrimit isha i njohur që nga herët”, ka thënë ai në një nga intervistat e mëparshme. Për më tepër, është publikuar një informacion interesant se gjatë fëmijërisë së Kurz, prindërit e tij kishin pranuar refugjatë në shtëpinë e tyre ardhur nga Bosnja. Bëhet fjalë pra për vitet e para dhe mesin e ’90-ës.
Ndërsa sot ai është kundërshtar i rreptë i tyre, duke u renditur tek udhëheqësit europianë me tendenca racore apo islamofobike. /tesheshi.com/
