Këndi i një minare të xhamisë së shekullit të 11-të pranë qytetit lindor turk të Elazig ka tërhequr krahasime me kullën e famshme të Pizës së anuar.
Minarja me tulla të kuqe e xhamisë Harput Ulu në Alayaprak, ka aktualisht pjerrtësinë prej 6.8 gradë, 1.3 gradë më të madhe se Kulla e aktuale e Pizës, e cila, sipas organizatës që përkujdeset për faqen e Trashëgimisë Botërore në veriperëndim të Italisë, është 5.5 gradë.
Xhamia e kohës së Selxhukëve, e para e ndërtuar me oborr të hapur, është ndërtuar në vitin 1157 nga Mbreti Fahrettin Karaaslan i dinastisë Artuqid, i cili sundoi me rajonin në shekujt 11-të dhe 12-të.
Shtatëmbëdhjetë vjet më vonë, Kulla e Pizës është ngritur si një kullë me zile për katedralen e qytetit.
Edhe pse nuk ka arritur të njëjtën shkallë të famës si rivali i tij në Piza, minarja ka tërhequr vizitorë në Elazig për shumë vite.
“Pjerrtësimatësi ka bërë matje katër herë në ditë për dy vjet,” thotë Ismail Aytaç, një historian arti turko-islam në Universitetin Firat, që ndodhet në afërsi.
“Rezultatet përfundimtare kanë treguar se pjerrtësia aktuale është 6.8. Kursi i matjes dyvjeçare gjithashtu zbuloi se shkalla e pjerrtësësi së minares nuk ka ndryshuar për dy vite.”
“Ne mendojmë se pjerrtësia është shkaktuar nga zhvendosjet në terren dhe nga tërmetet“, shtoi ai. /tesheshi.com/
