Autoritetet në Brooklyn, New York, kanë raportuar zbulimin e tmerrshëm të kufomave në dy kamionë jashtë një shtëpie funerali në Brooklyn pasi qytetarët njoftuan një erë të keqe që po përhapet në rrugë.
Një burim policie i tha ABC News se 50 trupa u gjetën në secilën prej dy kamionëve në Avenue Utica përpara shtëpisë së funeralit të Andreë T. Cleckley.
Autoritetet besojnë se kamioni pa një sistem ftohjeje nuk është i përshtatshëm për ruajtjen e të pajetëve dhe është i panevojshëm, pasi qyteti ka blerë frigoriferë për të ruajtur përkohësisht trupat e qytetarëve të vdekur për shkak të punës së gjerë të kompanive të varrimit, në vazhdën e epidemisë së koronavirusit.
Pas këtij zbulimi fatkeq, autoritetet e qytetit dërguan frigoriferë adekuatë për të lejuar që ndërmarrja të ruajë trupat siç duhet deri në varrosje, dhe punonjësit e qytetit dhe të shtetit ndihmuan për të lëvizur kufomat.
Fqinjët njoftuan se kanë parë truoa që janë vendosur në kamionë pa ftohje dhe që janë larguar prej tyre pas javësh, jo në arkivole por në thasë.
Disa thoshin gjithashtu se stafi i varrimit jo çdo herë i trajtonte të pajetët me respekt.
“Do të çmendesha nëse ata do të më trajtonin kështu babanë tim, nënën time, motrën time, foshnjën time”, tha John Di Pietro, i cili jeton afër.
Abdul Kamara, 40 vjeç, i tha New York Daily Neës se kishte parë gjithçka.
“Pashë kufomat e grumbulluara mbi njëra-tjetrën dhe dera e kamionit ishte e hapur. Po ndodh që nga fillimi i epidemisë së koronavirusit”, tha Kamara. /tesheshi.com/
