Ministri Lleshaj përshëndeti zbardhjen e vrasjes së dy vëllezërve Haxhia në Durrës, ngjarja e katër ditëve më parë, ndodhur paralel me atë të Lezhës, po me dy viktima.
“Zbardhja e plotë dhe arrestimi i të dyshuarve për dy vrasje në Durrës është një sukses i rëndësishëm i Policisë së Shtetit”, shkruan Lleshaj.
Sipas tij, “kjo goditje tjetër e fortë kundër krimit të organizuar provon se as pandemia dhe asgjë tjetër nuk arrin të cenojë sadopak angazhimin e Policisë sonë në këtë front prioritar”.
E duke qenë se të dyja ngjarjet lidhen me kultivimin apo trafikimin e drogës, Lleshaj bën një premtim:
“Për këdo që ka humbur rrugën e jetës së ndershme dhe është futur në udhën qorre të krimit, një gjë duhet të jetë e qartë: është vetëm çështje e shkurtër kohe. Të gjithë do të përballen me ligjin”, shkruan njeriu në krye të rendit. /tesheshi.com/
