Dy delfinë janë regjistruar për herë të parë duke biseduar, pasi shkenctarët kanë instaluar një mikrofon nënujor për të regjistruar zërat e ndryshëm të kafshëve të atyshme.
Hulumtuesit kanë arritur në përfundimin se gjitarët kanë një formë të avancuar të komunikimit, duke përdorur sinjale të veçanta dhe fishkëllima për të treguar se janë të ngazëllyer, të lumtur, të stresuar apo të ndarë nga grupi.
Por tashmë është vërtetuar se delfinët ndryshojnë vëllimin dhe shpeshtësinë e sinjaleve të pulsuara për të formuar fjalë individuale të cilat i bashkojnë në një fjali, në të njëjtën mënyrë siç flasin njerëzit.
Hulumtuesit në Feodosia të Ukrainës kanë regjistruar dy delfinë në Detin e Zi të quajtuar Yasha dhe Yana duke folur njëri me tjetrin në pishinë. Ata konstatuan se secili delfin po dëgjonte fjalinë prej sinjalëeve të pandërprera, para se ta kthente përgjigje.
Udhëheqësi i studimit, Dr Vyacheslav Ryabov, ka thënë se ky shkëmbim në mes dy delfinëve i ngjan një bisede mes tyre. /tesheshi.com/
