Zbulim i bujshëm në Rusi: Janë gjetur mbetjet e një ariu deri në 39,000 vjet i vjetër!
Jo vetëm kaq, kufoma e ariut, e cila u gjet në ishujt Novosibirsk në veri të Rusisë, është ruajtur jashtëzakonisht mirë. Ai që zbuloi kafshën informoi shkencëtarët nga Universiteti i Yakutsk, raporton Times Siberian.
“Kufoma është ruajtur plotësisht. Ky është zbulimi i parë dhe i vetëm i kësaj specie,” thotë Lena Grigorieva nga universiteti.
Speciet e ariut të shpellës u zhdukën rreth 15,000 vjet më parë, ndërkohë që kjo lloj kafshe u shfaq 39,000 vjet më parë.
“Në mënyrë që të jemi në gjendje të përcaktojmë moshën e saktë të ariut, ne do të përdorim metodën radiokarbon. Me këtë përcaktim të moshës radioaktive, mosha e gjetjeve përcaktohet në bazë të përbërjes së karbonit”, tha shkencëtari rus Maxim Cheprasov. /tesheshi.com/
