Arkeologët në Peru kanë zbuluar katër mumie fëmijësh që besohet të jenë të paktën 1000-vjeçare nga një ish-vend i shenjtë ceremonial që ndodhet tani në një nga lagjet më të vjetra të Limës moderne.
Studiuesit besojnë se fëmijët, të zbuluar të hënën, 20 nëntor, së bashku me mbetjet e një të rrituri, vijnë nga kultura Ychsma që u zhvillua në bregdetin qendror të Perusë përpara se Perandoria Inka të ngrihej në Ande.
Disa mbetje u gjetën në këmbët e një shkalle në një kodër të vogël që besohet se dikur kishte fshehur një tempull. Luis Takuda, një arkeolog nga vendbanimi Rimac në Lima, tha se tempulli është ndërtuar ndoshta 3,500 vjet më parë.
“E gjithë kjo zonë është një sallë shumë e rëndësishme ceremoniale”, tha Takuda. “Njerëzit që jetuan këtu gjatë periudhës së Ychsma ende e konsideronin atë një hapësirë të shenjtë dhe për këtë arsye i varrosnin të vdekurit e tyre këtu,” tha ai.
Me një popullsi prej rreth 10 milionë banorësh, kryeqyteti i Perusë është shtëpia e rreth 400 rrënojave arkeologjike.
Vendet më të mëdha arkeologjike në Peru janë të vendosura jashtë Limës në vende të tilla si Cusco, i cili ishte kryeqyteti i Perandorisë Inca dhe ra në duart e pushtuesve spanjollë në shekullin e 16-të, raporton Reuters. /tesheshi.com/
