Ministri i brendshëm serb, Nebojsha Stefanoviç bëri me dije mbylljen e një kampi fëmijësh, ku të vegjlit në vend të argëtimit mësonin aftësi ushtarake. Bëhet fjalë për një kampin në Zlatibor.
“Ne kemi dhënë një urdhër për të shpërndarë kampin për abuzim të mundshëm të fëmijëve dhe shqetësim të publikut”, tha Stefanoviç.
Kampi ishte i kriterit “rinor-patriotik”, themeluar nga veteranët serbë, rusë dhe grupet patriotike, sqaroi Stefanoviç.
Aty ishin me dhjetra djem e vajza nga mosha 12 deri 23, ku në vend të një pushimi veror mësonin aftësi ushtarake, të veshura gjithashtu me uniforma ushtarake dhe të armatosur.
Por organizatorët, veteranët e luftës, thanë se fëmijët mësojnë si t’u mbijetojnë realiteteve dhe se armët nuk janë të vërteta.
“Këto janë armë prej alumini, nuk ka të bënjë me armë zjarri. Ne si veteranë vetëm duam që fëmijët tanë të jenë të gatshëm që nëse dikush i sulmon ata të mbrohen”, theksoi Zheljko Vukeliç, pjesëmarrës në konfliktet e armatosura në ish-Jugosllavi. /tesheshi.com/
