Teherani zyrtar reagoi për herë të parë ndaj Tiranës zyrtare, që pas dëbimit të dy diplomatëve iranianë, ndodhur kjo nën një atmosferë tensioni edhe global, pas ekzekutimit nga ana e amerikanëve të gjeneral Qassem Soleimani.
Shqipëria ka bërë shumë gabime – gjykon Republika Islamike, duke kërkuar ndërrim kursi.
“Shqipëria ka bërë shumë gabime dhe ne ndjejmë se disa evente në vendin tonë kanë krijuar disa keqkuptime për Shqipërinë. Në sugjerojmë që ata mos ti lidhin marrëdhëniet tona të mira me një vend të tretë. Shqipëria duhet të kthehet në rrugën e duhur dhe ajo në të cilën është tani nuk është e duhura”, shkroi zëdhënësi i Ministrisë së Punëve të Jashtme në Iran, Abas Mousavi.
Kujtojmë që Shqipëri, ndonëse pa emër, u përmend dhe në një gjalim të udhëheqësit shpirtëor të Iranit Ali Khamenei, duke u quajtur si “vend i lig”. Kjo pasi Shqipëria ka strehuar pjesëtarë të opozitës iraniane, të cilën Teherani e lufton prej vitesh. /tesheshi.com/
