Një reagim i dalë nga Ambasada Amerikane në Tiranë mbi një “heqje” të mundshme vize për ish-kryeministrin Berisha, le të kuptuar se kjo mund të ketë ndodhur. “Historikisht, kemi thënë se nuk diskutojmë raste specifike vizash”, ka qenë përgjigje e shkurtër dhe ambige e përfaqsisë së Uashingtonit në Tiranë.
Interesi për këtë fakt është ngjallur pas pyetjes që kryeministri Rama ia drejtoi paraardhësit të tij, Berishës në parlament, se “a mundet të kalojë oqeanin nëse do?”. Pra, a është në gjendje të udhëtojë drejt SHBA.
Berisha tha se ai vetë i ka rralluar udhëtimet.
Ndërkohë, gazetari Artan Hoxha ofron një lidhje mes dy deklarimeve të Ramës e jo vetëm, për të shkuar drejt konkluzionit se po, Berishës, por dhe familjes së tij, i është ndaluar hyrja në SHBA.
“Ka pasur një lajm që ka qarkulluar që para dy javësh që ka një vendim nga DASH. Vendimin e merr DASH, në të gjitha rastet e deritanishme e merr ky institucion. Është folur se është marrë një vendim edhe për ish-kryeministrin Berisha dhe familjen e tij. Por në rastin konkret kjo qarkullonte si një lajm i pakonfirmuar. Në seancën e së hënës në parlament, nëse e kujtoni Rama bëri një insinuatë. I tha Berishës që ‘të ka trullosur mesazhi që të ka ardhur’, por nuk e vazhdoi më tej. E tha: ‘mesazhi që të ka ardhur, ti e di nga të ka ardhur’. Kjo është gjuha e koduar që përdorin politikanët”, komentoi Hoxha, e citon Shqiptarja.com.
Më tej, gazetari iu njohur aludon dhe si se si një ndër kundërshtarët e reformës në drejtësi, Berishës vërtet mund t’i jetë “hequr viza” nga amerikanët. /tesheshi.com/
