Pas fjalës së Monika Kryemadhit, kryetares së LSI-së, protestuesit e mbledhur përpara Kuvendit kanë nisur përpjekjen për të hyrë brenda ambienteve të ligjvënies shqiptare.
Protestuesit kanë çarë kordonin e parë të policisë, por më pas kanë ndërhyrë edhe trupat e Forcës së Ndërhyrjes së Shpejtë. Nga selia e Partisë Demokratike po hidhen bomba tymuese që kanë krijuar një re tymi përpara parlamentit.
Situata është kthyer në një përplasje të vërtetë civile dhe pritet që të përshkallëzohet situate akoma më shumë. Përpara parlamentit po zbatohet skenari që është publikuar që në mëngjes. /tesheshi.com/
