Media në Kosovë kanë publikuar emrat e imamëve që do të mbajnë ligjërata anti-terrorizëm në burgjet e Kosovës, destinuar për ata që në shqip thuhet se “u ka marrë koka erë”, pra janë radikalizuar. Marrëveshja u nënshkrua pak ditë më parë nga kreu i Bashkësisë Islame të Kosovës, Naim Tërnava e ministri i Drejtësisë, Abelard Tahiri.
Ajo çfarë vihet re tek emrat, është fakti se përzgjedhja nga BIK nuk ka përfshirë elitën e klerikëve kosovarë, nga ata që gëzojnë reputacion të lartë në bashkësinë e besimtarëve.
Sipas raportimit të kallxo.net, në Burgun e Sigurisë së Lartë do të jenë të angazhuar imamët Imri Llugaliu e Mehmet Fazliu.
Në Qendrën e Paraburgimit dhe Ndalimit në Prishtinë do të jenë Remzi Haziri dhe Idriz Xhigoli.
Në Qendrën Korrektuese në Smrekonicë do të jenë Sadi Hasani dhe Jetish Berisha.
Në Qendrën e Paraburgimit në Pejë, Muhamet Mavraj dhe Artan Zeka.
Në Qendrën Korrektuese në Dubravë do të jetë i angazhuar Musli Arifi.
Në Qendrën e Paraburgimit në Lipjan do të jenë të Zaim Baftiu dhe Vehbi Gajtani.
Në Qendrën Korrektuese në Lipjan, do të jenë Refik Bahtiri, Lumnije Bahtiri dhe Sanije Mehmeti. (Prania e dy grave duhet të jetë e destinuar për të burgosurat gra, por gjithsesi gratë nuk mbajnë poste klerikale)
Po në këtë qendër do të jenë të angazhuar dhe Skënder Mehmeti e Burim Arifi.
Në Qendrën e Paraburgimit në Gjilan do të jetë imami Iljaz Mustafa.
Në Qendrën e Paraburgimit në Prizren do të jenë Faruk Ukallo dhe Edib Abazi dhe në Qendrën Korrektuese në veri të Mitrovicës do të jenë Rexhep Lushta dhe Irfan Krasniqi.
Siç mund të dallohet qartë pra, shumë pak prej tyre janë emra të gjithënjohur për aftësinë ligjëruese. /tesheshi.com/
