Zyrtarja e lartë e Departamentit Amerikan të Shtetit ka bërë publike “mesazhin suprizë” që i ka sjellë Lulzim Bashës këtë të dielë pas vizitës së saj në Tiranë.
Ka ndodhur pikërisht ajo që bëri të ditur tesheshi.com ditë më parë, ku SHBA kanë rifutur në tryezë Lulzim Bashën për të arritur një konsensus të dëshiruar duke formuluar një propozim kompromisi.
Ndihmës-sekretarja amerikane e Shtetit, Victoria Nuland, ka bërë të ditur se në tryezën e negociatave ka ardhur një propozim i ri për reformën në drejtësi, i cili ka mbështetjen e SHBA.
Propozimi i ri është një draft/hibrid me ide nga qeveria dhe opozita dhe në përputhje me Komisionin e Venecias.
“Ambasadori Lu iu ka bërë palëve një propozim të ri për reformën. Propozimi i ri është propozim/hibrid me ide nga qeveria dhe opozita. Propozimi i ri në përputhje me Komisionin e Venecias, ka mbështetjen time, të Uashingtonit dhe drejtuesve të tij. Për propozimin e ri për reformën kam diskutuar me Ramën dhe Bashën. Është koha të arrihet një marrëveshje.”, deklaroi Nuland në konferencën finale për shtyp.
Kreu i opozitës, Basha pas takimit me Ndihmës-Sekretaren amerikane, u shpreh se reforma do të miratohet me konsensus dhe tha se tashkë ka 3 propozime.
“I pari ai i vendeve të rezervuara, i dyti i listave alternative dhe propozimin tonë të tretë, i bërë publik të premten. Jemi të bindur se kjo reformë do të mund të miratohet vetëm me konsensus politik mes palëve. Ndaj PD ka lëvizur nga pozicionet e mëparshme, por ka mbetur e palëkundur nga rekomandimi 88”, tha Basha. /tesheshi.com/
