Një raport i Agjencisë Qendrore të Zbulimit amerikan (CIA) thotë se agjencia ka gabuar gjatë sulmeve të 11 shtatorit dhe nuk ka pasur një plan kundër Al-Kaedës.
Në një raport për “11 shtatorin” të Agjencisë Qendrore të Zbulimit amerikan (CIA) thuhet se ish-drejtori i kësaj organizate, George Tenet ka pohuar se pengesa më e madhe për vrasjen e liderit të Al-Kaedës, Osama Bin Laden ishte ish-Sekretari i Amerikan i Drejtësisë, Janet Reno. Raporti i cili ka në fokus faktin nëse CIA ka gabuar apo jo gjatë sulmeve të 11 shtatorit mbi Qendrën Ndërkombëtare të Tregtisë është rreth 500 faqe dhe është publikuar nga shërbimet sekrete të këtij vendi.
Në raport thuhet se CIA nuk e ka bërë punën siç duhet për mënjanimin e këtij sulmi dhe se agjencia nuk ka pasur një plan strategjik për të luftuar Al-Kaedën.
Sipas raportit të publikuar në ueb-faqen e CIA-s thuhet se ish-drejtori i kësaj agjencie, George Tenet në një letër të shkruar ka pohuar se ish-Sekretari amerikan i Drejtësisë, Janet Reno ishte çelësi i pengesës për vrasjen e liderit të Al-Kaedës, Osama Bin Ladin në vitin 1998. Në letrën e tij ai shpjegon se ka biseduar me Reno dhe se ai ka kundërshtuar çdo sulm, ku mund të vritej Bin Laden dhe se e donte atë të gjallë.
George Tenet, ka kryer detyrën e Drejtorit të Agjencisë Qendrore të Zbulimit amerikan (CIA) në vitet 1997 – 2004.
