E bëmë të ditur që në javën e shkuar që “magjia” e 140 votave për reformën në drejtësi ka rënë.
Tani Parlamenti ka zbardhur procesverbalin e votimit.
Ai është shokues për të kuptuar se nga e majta në të djathtë ka një mungesë të rëndësishme angazhimi politik por edhe një angazhim qartësisht kundër emërimeve të juristëve që do të kalojnë në sitë rreth 800 gjyqtarët dhe prokurorët shqiptarë.
Jozefina Topalli dhe Atrit Patozi, dy deputetët e PD-së që nuk janë në listat e deputettëve për 25 qershor, kanë votuar demonstrativisht kundra.
Ndërkohë kanë munguar në seancë të gjithë deputetët socialistë që Edi Rama nuk i ka kandiduar këtë herë.
Nuk kanë marrë pjesë në seancë gjithashtu edhe ministra të rëndësishëm të qeverisë 8 vjeçare të PD-së.
Ndërsa ish-kryeministri Sali Berisha nuk ka marrë pjesë vetëm në votimin e njerëzve të vettingut, kurse më pas shkoi në seancë ku dhe bëri edhe një deklaratë publike.
Votimi i së shtunës shënon zyrtarisht nisjen e zbatimit të reformës në drejtësi, ndërsa hap rrugën edhe për ngritjen e organeve të reja anti-korrupsion, të cilat do të kryejnë vetingun e politikës.
Megjithatë, nga 139 ligjvënës (nje eshte ndare nga jeta), 39 deputetë të Parlamentit bojkotuan votimin, abstenuan ose votuan kundra listës. Disa nga deputetët ishin në pamundësi për të marrë pjesë në seancën plenare, për shkak të angazhimit në fushatën elektorale. Por, shumica e ligjvënësve në fjalë, duket se e bojkotuan qëllimisht seancën, duke u pozicionuar në këtë mënyrë kundër vetingut dhe 27 njerëzve që do ta zbatojnë atë.
Nga procesverbali i votimit, rezulton se, të gjithë deputetë e PDIU nuk kanë marrë pjesë në votim. Omer Mano, Aqif Rakipi, Tahir Muhedini dhe Shpëtim Idrizi, përfaqësues të PDIU në Parlament, rezultojnë se nuk kanë bojkotuar votimin. Edhe kreu i LIBRA-s Ben Blushi ka bojkotuar votimin për zbatimin e ligjit të Vetingut. Në votim nuk kanë marrë pjesë as deputetët Tom Doshi, Mirela Ferracaku, Nard Ndoka dhe Eduard Ndocaj.
Nëse mungesa e deputetes Jorida Tabaku, për shembull, ishte e justifikueshme, për shkak se sapo është bërë nënë, në sy bie bojkoti i votimit nga dy ish-ministra të qeverisë ‘Berisha’, Arben Imami dhe Genc Ruli, të cilëve Lulzim Basha vendosi t’u ndërpresë karrierën politike.
Një mungesë e rëndësishme që bie në sy nga procesverbali është edhe Eduard Selami, njeriu më i zellshëm në PD që ka kërkuar votimin e reformës në drejtësi. Siç mësohet, mungesa e tij ka qenë objektive, pasi Selami ndodhet në SHBA dhe vendimi për mbledhjen e seancës u mor vetëm 24 përpara se ajo të mblidhet.
Selami, më 7 qershor ka postuar një deklaratë pikërisht kur Gjykata Kushtetuese nisi shqyrtimin e Shoqatës së Gjyqtarëve për të hedhur poshtë një pjesë të ligjit të vettingut. “Perpjekjet per te bllokuar reformen ne drejtesi do te deshtojne. Koalicionit te krimit po i vjen fundi. Shqiptaret do te kene drejtesi”, shkroi Eduard Selami për të bërë qëndrimin e tij politik, por që nuk e realizoi me votën e tij..
Nëntë deputetë të PS dhe gjashtë të LSI nuk kanë votuar për listën e anëtarëve të vetingut.
Por ajo që ka rënë më shumë në sy është se njeriu që udhëhoqi reformën në drejtësi, pikërisht kreu i Komisionit të Posaçëm, Fatmir Xhafa nuk ka votuar njerëzit e vettingut.
Në radhët e PS nuk morën pjesë në votim deputetët Mira Shehu, Vladimir Kosta, Parid Cara, Fatmir Toçi, Shkëlqim Troplini, Arta Dade dhe Olta Xhaçka.
Nga deputetët e LSI, nuk morën pjesë në votim nënkryetarja e kësaj force politike, njëkohësisht bashkëshortja e Ilir Metës: Monika Kryemadhi por edhe disa deputetë të tjerë të kësaj partie si, Përparim Spahiu, Vangjel Tavo, Agron Çela etj.
Tabela:
Votuan kundër
Jozefina Topalli PD
Astrit Patozi PD
Emrat që nuk votuan
Sali Berisha, PD
Arben Imami, PD
Genc Ruli, PD
Eduard Selami, PD
Luçiano Boçi, PD
Keltis Kruja, PD
Gerti Bogani, PD
Jorida Tabaku, PD
Mimoza Hajdarmataj, PD
Mira Sheu, PS
Vladimir Kosta, PS
Parid Cara, PS
Fatmir Toçi, PS
Shkëlqim Troplini, PS
Arta Dade, PS, PS
Fatmir Xhafaj, PS
Olta Xhaçka, PS
Monika Kryemadhi, LSI
Përparim Spahiu, LSI
Kejdi Mehmetaj, LSI
Vangjel Tavo, LSI
Petrit Gjoni, LSI
Agron Çela, LSI
Omer Mano, PDIU
Aqif Rakipi, PDIU
Tahir Muhedini, PDIU
Shpëtim Idrizi, PDIU
Ben Blushi
Tom Doshi
Mirela Ferracaku
Nard Ndoka
Eduard Ndocaj
/tesheshi.com/
