AKRe Behgjet Pacollit, edhe pse përfaqësohet me vetëm katër deputet, sipas marrëveshjes qeverisëse, do të ketë në kontroll dikasteret më të rëndësishme qeveritare.
Partia e Pacollit do të drejtojë 5 ministri, zv.kryeministrin e parë dhe shtatë zv. ministra.
Kështu AKR ka përfituar Ministrinë e Punëve të Jashtme, Ministrinë e Punëve të Brendshme, Ministrinë e Planifikimit Hapësinor, Ministrinë e Bujqësisë dhe Ministrinë e Zhvillimit Ekonomik.
Në marrëveshjen e nënshkruar po ashtu thuhet se AKR ka përgjegjësi shkarkimin apo emërimin e posteve që do të ketë kjo parti në qeveri.
Në marrëveshje specifikohet gjithashtu se AKR-së do t’i takojë posti i presidentit në mandatin e ardhshëm të tij, pozicion të cilin do ta marrë lideri i saj, Behgjet Pacolli.
“PAN dhe AKR-ja dakordohen që posti i presidentit të Kosovës t’i takoj AKR-së në mandatin e ardhshëm, pavarësisht mënyrës së votimit, qoftë përmes votimit në Parlament, qoftë përmes votimit të drejpërdrejt nga populli. Kështu partitë që përbëjnë koalicionin PAN dakordohen që të mos kenë kandidatë të tyre për president të vendit duke u obliguar që ta mbështesin kandidatin e AKR-së”, thuhet në marrëveshje. /tesheshi.com/
