Partia Demokratike i ka dorëzuar zyrtarisht kryeministrit Edi Rama kërkesën për shkarkimin e kryebashkiakut të Durrësit, Vangjush Dako. PD njoftoi se kërkesa zyrtare për shkarkimin nga detyra e Dakos ndodhet tashmë në zyrën e kreut të qeverisë.
Letra u dorëzua nga këshilltarët bashkiakë të Partisë Demokratike në Durrës si dhe deputetë të këtij qarku. PD akuzon kryetarin e Bashkisë së Durrësit për shkelje të rënda të ligjit, siç është favorizimi i lirimit nga burgu i Lulzim Berishës, ish-kreu i bandës kriminale të Durrësit.
Sipas njoftimit të opozitës, Vangjush Dako ka garantuar punësimin e Lulzim Berishës. Dako ka kryer shkelje të rënda, duke lëshuar vërtetim për punësim pa u mbështetur në asnjë ligj të Republikës së Shqipërisë./tesheshi.com/
Kerkese-per-shkarkimin-nga-detyra-te-kryetarit-te-bashkise-Durres
