Deputetët e PD kanë përdorur të njëjtin skenar si dhe një javë më parë, kur u përjashtua Lulzim Basha nga seanca, edhe në rastin e deputetit Flamur Noka. Ky i fundit u përjashtua nga seanca për shkelje të rregullores, por nuk ka pranuar të dalë nga salla, ashtu si edhe Basha një javë më parë. Kjo ka detyruar kryetarin e Kuvendit që të shtyjë seancën për orën 17:00, njëlloj si edhe një javë më parë.
Seanca u ndërpre pasi deputeti Noka së bashku me të ligjëvënës të tjerë të PD-së zaptuan foltoren Kuvendit, pasi pretenduan se Rama shau Berishën duke i thënë ‘i rrjedhur’. Kaq ka mjaftuar që Noka të kërkoi fjalë për replikë, por që nuk është pranuar.
Debatet
Ruçi: Kaloi koha, zoti Berisha, mbaroi koha ulu.
Noka flet nga vendi: Fjalën për procedurë
Ruçi: Ulu, mos fol, Nuk ka procedurë
Noka: Na tregon ti proçedurat, ca kujton ti, xhandar
Ruci: Të tërheq vëmendjen, mos fol, lerë deputetin të flasë
Noka: Fjala për proçedurë, rrugaç, jep fjalën, xhandar
Noka-Ramës: Ky ke b*thë ti ti heqësh fjalën Sali Berishës
Ruci: Atëherë, të terhoqa tre herë verejtjen, po shkel rregulloren, më detyrove të marr masë, je i përjashtuar nga seanca, 5 minuta pushim deri sa të lirosh foltoren. /tesheshi.com/
