Zbardhen debatet mes Edi Ramës dhe Ben Blushit në mbledhjen e grupit parlamentar të Partisë Socialiste.
Rama i ka thënë Blushit që duhet të thuash kush janë kriminelët që kemi në parti, dhe deputeti socialist ia ka kthyer që të tillë jana ata që më dhunuan në Elbasan.
Deputeti Taulant Balla në një deklaratë për median tha se “ajo që mori më shumë diskutim ishte shqetësimi lidhur me disa deklarata të përditshme nga ana e anëtarit të grupit PS-së, Ben Blushit për gjoja kriminelë në grupin PS-së”.
Kryeministri Edi Rama, i cili ka qenë shumë nervoz në mbledhje dhe e ka treguar këtë edhe me gjestikulacion, i është drejtuar Blushit:
“Ke dy vjet që shpif kundër partisë tënde. Ke dy vite që përdor gjuhën dhe akuzat e Saliut. Sot është dita që t’i tregosh këtij grupi kush janë kriminelët sipas teje. Por para se ta bësh një gjë të tillë po të deklaroj me përgjegjësi që asnjë deputet i PS-së nuk ka në veprimtarinë e tij asnjë vepër apo çështje që lidhet me ligjin e
dekriminalizimit. Tani meqënëse ligji u miratua ti duhet t’i kërkosh falje grupit parlamentar”.
Por Blushi i është kthyer: “Ti mbron një deputet që ka plagosur 4 njerëz”.
Por ka ndërhyrë Balla dhe Pjerin Ndreu që i janë vërvitur Blushit duke i thënë se deri dje kemi qëndruar bashkë me Armando Prengën e sot flet kështu”.
Gramoz Ruçi, kreu i grupit e ka mbyllur më pas me lezet takimin kur ka parë se situata u acarua: “Te merren strukturat e Elbasanit me incidentin”, tha Ruçi.
/tesheshi.com/
