Presidenti amerikan, Donald Trump, dhe ai i Turqisë, Recep Tayyip Erdogan, gjatë një bisede telefonike, të zhvilluar mbrëmjes e së shtunës, kanë rënë dakort që të punojnë së bashku për lidhje më të forta dhe sigurinë rajonale.
Shtëpia e Bardhë ka njoftuar se presidenti Trump ka “theksuar përkushtimin e përbashkët të SHBA dhe Turqisë, për të punuar së bashku, në drejtim të stabilitetit në rajon”.
Presidenca e Turqisë bën të ditur se të dy liderët kanë theksuar partneritetin strategjik ndërmjet dy shteteve dhe “rëndësinë e vazhdimit të punës së përbashkët për forcimin e mëtejshëm të raporteve bilaterale, si dhe për rritjen e stabilitetit në rajon”.
Kjo bisedë telefonike u bë një ditë pasi Erdogan dënoi akuzat e autoriteteve amerikane kundër disa shtetasve turq për shkelje të sanksioneve financiare kundër Iranit, përfshirë dhe ish-ministrin e ekonomisë së Turqisë, Zafer Caglayan.
Erdogan tha se akuzat ishin politikisht të motivuara kundër Turqisë, që është aleate shumëvjeçare e Shteteve të Bashkuara dhe anëtare e NATO-s. /tesheshi.com/
