Partia Socialiste do të mbledhë të dielën (27 gusht) Asamblenë Kombëtare për prezantimin e raporteve të grupeve të punës të ngritura nga kryetari i partisë Edi Rama.
Si pikë të parë, Asamblea do të ketë prezantimin e raportit të grupit të punës për veprimtarinë parlamentare.
Për të vijuar më pas me raportin e dëgjesave publike, atë të grupit të punës për ristrukturimin e institucioneve.
Tre raportet e mbetura janë ai për lehtësimin e procedurave burokratike, për Organizimin dhe Koordinimin Elektoral të PS dhe miratimi më pas i projektvendimit për zgjedhjet e reja në parti.
Ndërsa në fund kreu i partisë Edi Rama do të flasë për bilancin politik të 25 qershorit dhe sfidat e mandatit të ri.
Pritet që Rama të prezantojë edhe emrat e menduar si ministrat e rinj të kabinetit.
Rendi i ditës në Asamble:
1- Çelja e punimeve të Asamblesë nga kryetari i Asamblesë dhe Sekretari i Përgjithshëm –Gramoz Ruci; Miratimi i rendit të ditës
2 – Raporti i grupit të punës për veprimtarine parlamentare –Taulant Balla (7min)
3 – Raporti i Dëgjesave Publike, përmbledhja e 12 qarqeve – Milva Ekonomi (7min)
4 – Raporti i Grupit të Punës për Ristrukturimin e institucioneve –Niko Peleshi (7min)
5 – Raporti i Grupit të Punes për Lehtësimin e Procedurave Burokratike -Arben Ahmetaj (7min)
6 – Bilanci i zgjedhjeve 2017 dhe Raporti i Grupit të Punës për Organizimin dhe Koordinimin Elektoral të PS (7min) -Blerina Gjylameti
7 – Miratimi i projektvendimit për zgjedhjet e reja në parti
8 – Fjala përmbyllëse nga Kryetari i partisë – bilanci politik i 25 qershorit dhe sfidat e mandatit të ri. /tesheshi.com/
