Opozita do të tentojë të “shkatërrojë nervat” e policisë në ditën e nesërme, ndërsa mazhoranca ka përcaktuar planin që të mbajë nervat fort dhe të sulmojë fuqishëm deri në orën e nisjes së protestës së Partisë Demokratike. Pas takimit që kanë zhvilluar Kryeministri Edi rama, kryetari i Kuvendit, Ilir Meta dhe ministri i Brendshëm, Sajmir Tahiri, “tesheshi.com” ka zbuluar se bisedimet kanë konkluduar në qëndrimin se seanca e nesërme e Kuvendit nuk do të anulohet, ashtu siç kanë mbërritur disa këshilla prej agjencive ligjzbatuese, të cilat kanë informuar se ka gjasa që protesta të shfrytëzohet nga element kriminalë. Ndërkohë, edhe opozita ka hartuar një plan të qartë që po e mban “top secret” në mënyrë që të surprizojë mazhorancën dhe qeverinë.
Plani i PD
Siç mësohet, opozita ka përdorur një strategji të marrë nga koha e PS-së në opozitë, ku si skalion të parë do të përdor një grup ish-tëpërndjekurish politikë, të cilët do të jenë dhe pjesa më e ndezur dhe iniciale e protestës së nesërme. Të shkëputur nga turma ata do të jenë si pararojë e tubimit, duke u infiltruar brenda skalionit të policisë për të sulmuar me mjete grotëeske si vezë e domate, por edhe miell deputetët por edhe qeveritarët që do të hyjnë në Kuvend. Pikërisht menaxhimi i kësaj pjese do të përcaktojë pjesën tjetër, ku grupi i protestuesve më të organizuar do të hyjnë në “valle” të thirrur nga organizatorët e protestës. Pjesa e ffjalimeve pritet që të mbahen vetënnë pjesën e dytë kur është përashikuar edhe një përplasje me forcat e policisë. Qëllimi i parë është të ndalojë deputetët të zhvillojnë seancën plenare.
Skenari i mazhorancës
Siç mësohet, mazhoranca ka parashikuar një plan në dy pjesë, anën ligjore dhe atë propagandistike të çështjes. Në anën ligjore, Policia e Shtetit do të krijojë një kordon sigurie të qartë të protestuesve duke u përpjekur të negocojë në organizatorët në lidhje me itinerarin e protestës. Nga ana tjetër policia nuk do të ndërhyrë të përleshet me protestuesit vetëmnëse do të kryhen akte dhune. Edhe nëse ndodh kjo, sin ë modelin e protestës së Prishtinës nga Vetëvendosja, do të izolohen grupet e dhunshme nga pjesa normale e saj. Ndërkaq, policia nuk do të mbrojë Kuvendin, i cili do të ruhet ekskluzivisht nga Garda e Republikës. Kjo trupë ka përgatitur një plan për të mos lejuar asnjë protestues për të hyrë në parlament. Por sipas gjasave nuk do të ketë asnjë përdorim të armëve edhe në ajër. Sipas të gjitha gjasave trupat që do të qëndrojnë rreth Kuvendit janë të paarmatosur. Vetëm nga lartësia do të jenë trupa special që do të vëzhgojnë nëse përdoret arma e zjarrit apo të tjera për të sulmuar institucionet. Nga ana tjetër mazhoranca do të zhvillojë një bombardim propogandistik duke premtuar “fakte spektakolare për të denigruar organizatorët e protestës. Pritet në mbrëmje publikimi i një video që cilësohet “si bombat e Zaevit”.
(tesheshi.com)
