Kapja dhe burgosja e një personazhi të njohur të botës së nëntokës së krimit si Arben Frroku po iu intereson disa policive europiane, si asaj belge, holandeze dhe greke pasi bëhet fjalë për rrjete shqiptare të trafiqeve që veprojnë në këto vende.
Por siç e thamë edhe dje, ka një entuziazëm në Europol për vetë faktin se ata kanë siguruar një fakt që e dinin por ende nuk kishin arritur ta ngërthenin.
Ekziston një variant që nuk është hipotezë, por e analizuar në një sërë faktesh sipas të cilit, “grupi Frroku” nuk ka qenë thjesht një bandë kriminale trafiqesh por rojtarja, trajtuesja dhe investuesja në Shqipëri e parave të disa nga karteleve më të fuqishme të trafiqeve në Europë.
Dedektivët europianë bësojnë se nga “Frroku Brothers” do të dalë “lepuri nga ferra”, pra baronët realë, bosët e mëdhenj të mafias shqiptare.
Një muaj më parë, nën drejtimin e Europol, por veçanërisht e policisë gjermane u krye një nga maksioperacionet më spektakolarë ku në pranga janë vënë më shumë se 100 mafiozë shqiptarë që kontrollojnë trafikun e narkotikëve në Gjermani, Belgjikë, Holandë, Spanjë, Itali, Greqi etj.
Por një informacion që ka mbërritur në policinë shqiptare konsiston në tezën se të kapurit nuk janë gjë tjetër veçse ushtarët e armatës së frikshme të trafiantëve, ose maksimumi “kapterët” apo “Luogo tenentët” e baronëve të vërtetë, që mendohet që janë këtu dhe kontrollojnë biznesin, politikën, gjyqësorin, madje edhe mediat. Se harruam sportin: ditët e ardhshme mbërrin një grup i superspecializuar për gjetjen e riciklimit të parave të krimit në sport.
Mësohen se janë nga ekipi i FBI-së që zbuloi ndoqi dhe ezekutoi hetimet për ish-kreun e FIFA-s, Josef Blater dhe ish-kreut të UEFA-s, Michele Platini.
Por gjuetia më e rëndësishme është ajo e politikanëve apo peshqve të mëdhenj, siç i pëlqejnë t’i quajnë krerët e Bashkimit Europian.
Nëse hapet kjo vazo thuhet se do të nxjerrë “xhevahire”.
Në burgjet e Europës nuk është vetëm Arben Frroku që është penduar, por ka shumë të tjerë që kanë folur e pritet të flasin sërish.
Siç mësohet, hetimet janë pranë dhe pritet që të verifikojnë atë sipas të cilës Arben dhe Mark Frroku janë thjesht të dërguar në terren të një grupi të madh gagnsterësh në Europë që iu besuan atyre pastrimin e parave dhe financimin e politikës.
Dhe Bashkimi Europian është i shqetësuar se mos këto para do të investohen në vitin 2017 në zgjedhjet e ardhshme, u ndoshta duke futur në Parlament individë më të rrezikshëm se këto aktualë. Pra e keqja nuk paska fund! /tesheshi.com/
