Kryeministri Rama paralajmëroi një ndryshim kompetencash në menaxhimin e bredgetit, si reagim ndaj fenomenit të zaptimit të plazheve publike me shezlongje.
Në kulmin e një aksioni kundër këtij fenomeni në disa plazhe kryesore të vijës bregdetare, shefi i qeverisë e quajti një rrumpallë atë që ndodh në pushtetet lokale përkatëse.
“Pushtimi i plazheve publike dhe rrumpalla në administrimin e plazheve e të territorit bregdetar në tërësi nga njësitë vendore, duhet të marrë fund. Beteja e Policisë së Shtetit dhe inspektoriateve qendrore, qysh nga fillimkorriku, po ndikon në përmirësimin situatës, por nuk mjafton. Nē vjeshtë në Kuvend, LIGJI I RI pēr mbrojtjen dhe administrimin e Vijës Bregdetare nga shteti.
Kjo pasuri kombëtare i takon POPULLIT dhe pushimet u takojnë njerëzve, jo abuzuesve të çdo kategorie; nga tregtarët qē nuk lëshojnë kuponat, tek harbutët që zaptojnë plazhet dhe deri tek zyrtarucë shtetërorë e pushtetarë vendorë, të cilët në vend të detyrës ndaj vendit dhe pushuesve, u bëjnë qoka dëmtuesve e zhurmuesve. ZeroTolerancë ndaj abuzuesve nuk është moto fushate, po linja e re e qeverisjes Deri në Fund dhe në çdo drejtim”, shkrua Rama.
Në kulmin e sezonit, deri dhe struktura të specializuara policore janë përfshirë në një aksion për lirimin e plazheve private, një gjë që duhej parandaluar nga policitë bashkiake. /tesheshi.com/
