Deputeti Zafir Berisha nga partia opozitare ‘NISMA’, ka thënë se situata aktuale në shëndetësinë kosovare është si mos me keq. Ai ka thënë se mitmarrja dhe korrupsioni e kanë kapluar shëndetësinë në Kosovë.
“Në shumë spitale regjionale por edhe në reparte të QKUK-së disa nga kthinat aty janë bërë ‘dhoma të rrëfimit”, në ato bëhet pazar me pacientët”, ka theksuar Berisha.
Ai më tej ka deklaruar se kjo gjendje vetëm sa po e rrënon edhe më shumë jetën e qytetarëve të Kosovës.
Berisha i ka bërë pyetje ministrit të shëndetësisë, se çka e ka ndërmend të bëjë MSH dhe qeveria e Kosovës lidhur me këtë çështje.
Deputeti Berisha po ashtu ka përmendur mungesën e barnave nga lista esenciale në spitalet e Kosovës si dhe keqpërdorimet që po bëhen lidhur me këtë listë./tesheshi.com/
