Partitë opozitare në Kosovë, Vetëvendosje, AAK e NISMA ka kohë që kanë ndarë rrugët pas një ecjeje së bashku për shtatë muaj, kundër qeverisë aktuale.
Krijimi i listës së përbashkët ka qenë arsyeja pse këto subjekte nuk vazhduan rrugëtimin së bashku.
Por përkundër mospajtimeve që kanë opozitarët, aktualisht nuk përjashtohet mundësia që të ndodh ribashkimi i tyre.
Është deputeti i NISMA-s, Zafir Berisha, i cili po mundohet të ribashkojë opozitën, në një front të përbashkët kundër qeverisë “Mustafa”, edhe pse ribashkimi konsiderohet mision i pamundur.
Deputeti nga Prizreni ka thënë për gazetën “Zëri” se edhe pas ndarjes së opozitës së bashkuar ka vazhduar të mbajë kontakte të vazhdueshme me përfaqësuesit e subjekteve opozitare dhe, sipas tij, deri në shpalljen e zgjedhjeve të reja nuk përjashtohet mundësia e formimit të bllokut të bashkuar opozitar. Berisha ka thënë se është ithtar i bashkimit të opozitës, pasi sipas tij, në atë mënyrë do ta largonin nga pushteti koalicion aktual qeverisës. /tesheshi.com/
