Kryeministri i Maqedonisë Zoran Zaev ka premtuar se do të lirojë nga burgjet të gjithë ata shqiptarë që janë arrestuar pa të drejtë.
Zaev e ka dhënë deklaratën e forta pas një vizite në burgje së bashku me Avokatin e Popullit të Maqedonisë.
“Pres që të hapet debati, para se gjithash i institucioneve që janë kompetente dhe shumë shpesh të ftuar nga Avokati i Popullit dhe Komiteti i Helsinkit, si dhe nga shumë organizata civile dhe aktivistë. Shumë shpesh bashkëqytetarët tanë, të cilët vuajnë dënim me burg dinë të dërgojnë apel dhe mesazh përmes mediave sociale duke dërguar fotografi nga kushtet e tyre dhe pikërisht për këtë shkak sot jemi këtu”, deklaroi Zaev pas daljes nga burgu i
Idrizovës.
Kryeministri i Maqedonisë bëri të ditur se një nga zgjidhjet është ligji për amnisti, i cili do të lirojë nga burgjet një numër të madh qytetarësh kryesisht shqiptarë, që qëndrojnë në burgje për vepra më shumë politike sesa penale. /tesheshi.com/
